Continuan as mobilizacións no Banco Pastor

O día 14 de abril a Oficina Principal do Pastor en Vigo foi o escenario dunha nova mobilización en contra dos despedimentos decididos polo Director Rexional Galiza-Sur que ten o seu despacho nesa oficina.

Dende as 11 da maña delegados/as sindicais do Banco Pastor co apoio solidario de representantes de todo o sector financeiro, concentráronse por segunda vez en Vigo dentro da campaña de protesta e denúncia pública da política laboral da empresa que tamén os levou a mobilizarse diante da Xunta Xeral de Accionistas do 26 de marzo na Coruña.

Dende a Sección Sindical da CIG, maioritaria no Banco, evalúan agora os seguintes pasos a dar e lembran que é preciso manter a alerta ante as avaliacións do traballo que prepara o Banco, coas que poden tratar de xustificar novos despedimentos inxustos.