A CIG-Banca ten convocada unha xornada de folga para os empregados e empregadas das Notarías de Galiza para mañá, venres 26 de novembro. Coincidindo co paro, o persoal está chamado a participar na concentración que se vai desenvolver, a partir das 12:00 horas, diante do Ilustre Colexio Notarial de Galiza (rúa Arcebispo Lago, 12).
A decisión de levar adiante esta medida de presión chega por mor da falla de negociación do convenio de empregados de Notarías de Galiza, que está sen negociar dende o ano 1996. Esta situación foi denunciada formalmente o pasado 5 de febreiro, sen que até o momento se teña constituído a mesa negociadora.
Así mesmo, dende a Federación de Banca e Aforro da CIG demándase unha mellora nas condicións laborais e económicas deste colectivo de traballadores, así como o recoñecemento do dereito á subrogación do persoal cando se produce un cambio de titularidade das notarías.
A convocatoria de folga afectará a todo o cadro de persoal das empresas notarías do país, así como a todo os/as traballadores/as de ETT’s que prestan servizos para ditas empresas.
Nenhum comentário:
Postar um comentário